...شـــــــاب جامعي يتزوج عجــــــوز....
--------------------------------------------------------------------------------
في أحدى القرى البعيده عن صخب المدن , عاش شاب مع مجموعه من أصدقائه لغرض الدراسه
الجامعيه ,, لكون الدراسه هنا أسهل من المدن,
ابتعدوا عن أهلهم وعاشوا دوامات ريحين جايين ,وكان فطريقهم للدوام عجوز كل صباح يشوفونها
مع غنمها , شدت انتباه أحد الشباب ودفعه الفضول وراح سأل عن حالها ..
رد عليه جيرانها أنها عجوز مقطوعه من شجره مالها احد ,ساكنه في بيت تصدق به عليها أهل
الخير.
رق الشاب لحالها ورحم ضعفها وقلت حيلتها . وفي يوم جلس معها وأخذ وأعطى معها فالكلام
وسألها وش أمنتيتك فالحياه ؟؟؟
ردت انها تبي تحج قبل تموت , قرر صاحبنا أنه يحقق أمنيتها ,
ذهب الشاب للمشايخ وذكر وضعها فردوا عليه انه لابد يكون معها
محرم عشان تحج .
عرض على العجوز الزواج وأشترط عليها أنه بعد مايرجعون من الحج يطلقها ,وافقت العجوز
وراحت تحج وحققت أمنيتها ,وبعد مارجعوا جا الشاب بيطلقها ورفضت العجوز وطلبت منه أنه
يبقيها بذمته وسامحته من كل حقوقها اللي عليه , نفذ الشاب رغبت العجوز ,
وكمل دراسته وتخرج ورجع لأهله . وفي يوم وهو جالس مع اصحابه وضحك وفرفشه قاموا
يتريقون ويضحكون عليه وسألوه عن عجوزهـ, اللي صار له مده من وقت ما تركها , فكريروح
يزورها ويطمن عليها ,ويشوف أخبارها.
يوم وصل خبره جيرانها انها ماتت من فتره حزن عليها كثير ودخل بيتها يطالعه من بعدها وهو يقلب
اغراضها طاحت ورقه مطويه , قال فنفسه يمكن فيها كلام تبي تقوله لي ..
فتحها وقراها إلا وهو صك على أرض تطل على البحر , ورثتها العجوز من ولد عم لها .
صاحبنا ماصدق نفسه وراح باع الارض بملايين وصار مليونير ,بعد ما كان منتف حالته حاله .
